lameac
Course d'escargots
Avisa’t a la mormèra !
Origine du surnom des habitants de Laméac : los limaquès.
Los de Lamiac que tratan Sent Germè, coma hèsta annau. Qu’ei la prumèra de qui se hè de l’annada diguens los parçans de l’Arròs. Que la hen de las mes beròias. La comuna qu’a sòus e qu’at hèr véjer, e tanben s’en son gelós peus vilatges vesins.
Ua annada, que i avó ua peleja entre los gojats de Lamiac empr’amor de la hèsta qui estó remviada de uèit dias.
Los vesins que’s trufèn d’eths e que’us emventèn aquesta colhonada :
Los joens de Lamiac qu’avèvan trobat un escargòlh en un cadau e que’u volón engreishar entà’u banquet de la hèsta. Mes, en l’anar hèr béver a l’Arròs, la velha, que’u se deishèn negar e qu’estón forçats de’u se minjar lo ser medeish. Qu’èra fin gras : que pedava sèt quintaus ! Que’us pleè tots de mormèra. Hontós, n’avèvan pas volut pareisher lo lendoman.
Acò que való quauquas patacadas entre joenessas vesias, mes la hèita qu’ei demorada.
Oer que diden enta farcejar :
« Vas entà Sent Germè ? »
« Tiòc ! »
« Avisa’t a la mormèra ! »
Aimé Cazanave.
TRADUCTION
Fais attention à la bave
Ceux de Laméac ont Saint Germain comme fête patronale. C’est la première de l’année dans les contrées de l’Arros. Ils l’a font des plus belles… La commune est riche et ils le font voir, les autres villages en sont jaloux.
Une année, il y eut une dispute entre les jeunes de Laméac à cause de la fête qui fut envoyée de 8 jours…
Les voisins se moquèrent d’eux et ils inventèrent cette couillonnade.
Les jeunes de Laméac avaient trouvé un escargot dans un jardin et ils voulurent l’engraisser pour le banquet de la fête.
Mais en allant le faire boire à l’Arros, la veille, ils le firent se noyer et furent forcés de le manger le soir même. Qu’il était fin gras : il pesait sept quintaux ! Il les remplit tous de bave. Honteux, ils n’avaient pas voulu se montrer à la fête le lendemain.
Ça valut quelques coups entre jeunes, mais l’histoire est restée.
Aujourd’hui on dit pour blaguer :
« Tu vas à la fête de Laméac ? »
Oui
Fais gaffe à la morve !
